ومن ايحــاء الشاعر / عبدالرحمن بن مطلق البخيتــان هــذه المحــاورة

قــال : شـقى عـين المشـقى يامليحـه وين نجعك سار

غـريب الـدار يخـبّر سـاكـن الاوطـان بالجـاري

قالت : أنا اللي جيت ادوّر بيت ابن مطلق من الاقطار

                  كما انه في دروب اهل الهوى متخرّس ضاري

قــال : ألا يامـرحـبــا بالـلـي لـفــانا  بالـوطـن  زوّار

                 عــدد ما رفـرف الـبـراق يبرق مزنه الســاري

قالت : هـلا بك عـد ماناح الحمـام بعـالـي الاشـجـار

تحـية مولــع واعـلـن بها يقـرى بهاالـقــاري

قــال : حقيقـه يا شقى عـين المشقى ماعـليك حيار

                  تـدوج بـدايـج الـدّيـجـور لا بايـع ولا شــاري

قالت : بـلاي اللي براني بري عـود في يـد النجـار

                  يزيـد الــود  ود كل ما يـطــري لـه الـطّــاري

قــال : ألا يا خوفـتي انك يامليحـه تعـمـلين قـمـار

              عـليـك رسـوم عـمال السحـر ميرالله الـدّاري

                  عسى لنـج نقلـني لك بوسـط المـوج سمّاري

أحسـب ان الغـريب الى لفا بدياركم له كار

                 واثر كار الغـريب بـداركم شربه من الـصّـاري

قــال : ترى ماقيل بين اثنـين مايفرق من الاسرار

                  ولايعـلـم بسـر الـغـيب كود الخالـق الـبــاري

أقـولـه وآتـعــذر كان مني تقـبــل الاعــذار

         وكاس العجــرفه والمزح بين الناس دوّاري  

قالت : ورى ماابديت لي سن الرضا وبهشت باستبشار

                    كما ان الضيف يكرم مايهان بكل الاقطـاري

سمحت وطاح مافي خاطري ومن الشرور مجار

                    عـلـى ما قـال الاول زلـة ماتــزري الـزّاري

                                عبدالرحمن البخيتــان ــ مـرات